هؤلاء لا احترمهم !

هؤلاء لا احترمهم :

1- واحد ينافق على نفسه فى سبيل انه يرضى غيره او يبان له
فى صوره الكتكوت الضعيف الحنين اللى لسه طالع من البيضه

2- واحد دمه تقيـــــــــــــــل
بس بيعمل نفسه قرد عشان يضحك اللى اودامه

3- واحد محترم وبيحاول يخلى نفسه صايع ومقطع عشان يواكب الشله

4- واحده بتكتب فى البلوجات كل كبيره وصغيره فى حياتها
ونست انها بنت (جوهره !!) ومفيش حد هيرضى يرتبط بيها
لانها ببساطه بقت ورقه محروقه الكل شافها !!

5- واحد بيكبر على غيره ومعملش حساب انه اخرته مدفون فى التراب

فدفده واعترافات ... انته اللى سرقت قطتى !!

هاى يا صحابى
ايه دا انتوا نستونى يا وحشين .. (بتعيط)
والله انتوا وحشين ...(لسه بتعيط )
لالالا انا مش هقدر اكمل ونا فى الحاله دى ... (غرقت الاوضه من العياط)

خلاص انا هكمل بس اعملوا حسابكم انى مخاصمكم لمده تلات دقايق
ياااااا هيعدوا عليه كأنهم تلات سنين (انا اللى بعيط)

النهرده جايه اعترف ليكم بحاجات كتير اوى لانى ملقتش مكان اكلم فيه غير هنا
لانه يعتبر بيتى الثانى بعد بيتى الاولانى اللى هو فى شارع _____ جمب ______
واللى نمره التليفون بتاعتنا _______ بس انا مش برد عالارقام الغريبه
والاحسن تبقوا ترنوا عليه عالرقم دا _________

يوووووو بقه ... هتنسونى انا كنت عاوزه اقول ايه
اه اه
النهرده يا كماحه
تصوروا ... تخيلوا ... (اعرب الاولى وحط التانيه فى جمله من تعبيرك)
انا النهرده صحيت الصبح .. بصيت جمبى
ملقتش القطه بتاعتى (بتيعط وماسكه منديل وبتنف فيه)

المواصفات
لونها ابيض بخطين حمر ولها ودان مرسوم عليها علم برشلونه
وديلها مشنشر وطويل ولابسه كوتشى مقاس 3 ومش بتحب تلبس شرابات عشان بتضايقها لما تيجى
تلعب كوره

انا والله مش متخيله اللى حصل دا
عمرها ما خرجت من غير ما تقولى او تصحينى تعرفنى عالاقل
واتصلت على كل صحباتى واحبابى وولاد الجيران وعم حسين بتاع السوبر ماركت اللى جمبنا
وكلهم قالوا انهم اخر مره شافوها لما كانت معايه امبارح ونا بعلمها ازاى تطير !!

بجد انا محتاره .. قولولى اعمل ايه ..؟؟


أول واحد قلبه رهيف :
موضوع محير فعلا ... انا فتحت جوجل وعملت سيرش
ملقتش غير قطط احمر فى ابيض فى اسود وفى نسر عاللون الابيض
بجد بجد ربنا يكون فى عونك .. انا حاسس بيكى
ودا ايميلى ______ لو عوزتى تكلمينى افدفد معاكى شويه واعتبرينى
زى اخووووووكى (ههههههههههههههههههههههههههههههههههههههههههه)


واحد تانى قلبه مخرم وبينقط :
لالالالالالالالالالالالالا
مستحيييييييييييييييييل
انا مش مصدق (وبعدين اغمى عليه)


واحده صحبتها :
ايه دا
بوسى ضاعت ..؟؟
ازاى يبنتى دى لسه مكلمانى بليل
عموما قلبى عندك .. ايدى عندك .. رجلى عندك

انا دلوقتى هتصل بباقى الشله واسألهم عليها
متقلقيش .. اجمدى كده وخليكى راجل امال


ويبقه لغز القطه بوسى يحير الجميع ...!

أكيد ليها جزء تانى

انتظرونا فى ___________

صراع البقاء بين اللغة العربية واللغة القبطية في مصر

قبل البداية نرد على من يزعم أن اللغة العربية فُرِضت على المصريين بالقوة بعد الفتح الإسلامي - بأن مصر تتابع عليها الحكام الأجانب على امتداد تاريخها الطويل من هكسوس وآشوريين وفرس ويونان ورومان.. دون أن يتمكن أحد من فرض لغته على مصر والقضاء على لغتهم الوطنية.. بل تحيا اللغة باهتمام أهلها بها، وتموت بإهمال أهلها لها؛ كما حدث مع اللغة العبرية التي أحياها اليهود في زمن قياسي؛ ومع العربية في الأندلس التي اندثرت بانتهاء العرب في الأندلس. في البداية؛ يجب أن نعلم أن اللغة العربية لم تكن غريبة على المصريين عندما جاء الفتح الإسلامي؛ فهي تمتد إلى زمن يسبق ذلك؛ لأنَّ كثيرًا من القبائل العربية كانت تقصد مصر إما للتجارة أو للاستقرار. فكان التجار العرب يأتون إلى مصر ويشترون البضائع اليونانية، ومن المعلوم أن عمرو بن العاص زار مصر تاجرًا قبل الإسلام، واستقرت بعض القبائل العربية في مصر قبل الفتح الإسلامي. وبعد الفتح الإسلامي بدأ الصراع بين اللغتين العربية والقبطية..ولابد أن نشير إلى العوامل تتحكم في صراع اللغات وتؤدي إلى تفوق لغة على أخرى عند الصراع بين لغتين، وهذه العوامل هي: - العامل السياسي. - العامل الاقتصادي. - العامل الديني. - العامل الثقافي. وكل هذه العوامل تعاونت في صالح اللغة العربية خلال صراعها مع القبطية، وعملت على تفوقها والقضاء على اللغة القبطية في مصر. فبالنسبة للعامل السياسي: فقد كانت القوة في يد العرب؛ فهم الحكام، وقد بذلوا أقصى جهدهم لنشر اللغة العربية مع نشر الإسلام.. ومن الإجراءات التي قاموا بها: - ازدياد حركة التعريب في الدولة وإحلال العرب أو المسلمين محل الأقباط[1] مما أدى إلى إهمال الأقباط تدريجيًّا دراسة لغتهم وإقبالهم على دراسة العربية لتفتح أمامهم فرص العمل. - فرض جزية مالية على غير المسلمين نتيجة تحمل المسلمين تأدية بعض الخدمات. - تتابع هجرات القبائل العربية إلى مصر لأسباب مختلفة بعضها سياسي وبعضها ديني وبعضها اقتصادي؛ ومن ذلك: • قبيلة (بلي) وبطون من خزاعة وقبائل كهلانية من عرب الجنوب (قبل الاسلام). • قبيلتا: (لخم) و(قيس عيلان)؛ انتقلتا إلى مصر بأعداد كبيرة منذ بدء الفتح. • قبيلة (الكنز) إحدى بطون ربيعة، في خلافة المتوكل. • قبيلتا (هلال) و(سليم) في القرن العاشر الميلادي. • سلالة جعفر الطيار في القرن العاشر الميلادي. وأيضا العامل الاقتصادي: الذي يقترن دومًا بالسياسة؛ فالأقباط ازداد نشاطهم التجاري مع العرب، وأيضًا كانوا يحرصون على تعلم العربية حتى ينالوا فرص العمل في وظائف الدولة. أما العامل الديني فنجد: 1- إقبال الأقباط على الإسلام بكثرة حتى انحسرت نسبة الأقباط وأصبحت في القرن 14 الميلادي عُشر عدد سكان مصر؛ فقد رأى الأقباط حسن معاملة المسلمين لهم بعدما عانوا من ظلم واضطهاد الرومان فشجعهم ذلك على اعتناق الإسلام وتبع ذلك الحياة الإسلامية بما فيها من صلاه وتعلم القران وغير ذلك مما يستلزم تعلم اللغة العربية. 2- شعور الأقباط بالقلق نتيجة لتطاحن وصراعات الفرق المسيحية وتنازع المذاهب فلجؤوا إلى الإسلام لما فيه من طمأنينة وبساطة. أما العامل الثقافي: فقد كان التفوق بلا شك للغة العربية لعدة أسباب: 1- كونها لغة القرآن، ولغة الحكام آنذاك، وانتشرت في كثير من أنحاء العالم، إضافة إلى ذلك أن لها رصيدًا تراثيًّا ضخمًا من شعر ونثر. 2- قدوم الكثير من علماء المسلمين إلى مصر؛ من قراء ومفسرين ومحدثين وفقهاء؛ مما أدى إلى زيادة نشاط الدراسة والبحث بالعربية؛ ومن ذلك (هؤلاء): عبد الله بن عمر بن الخطاب، وأبو هريرة، وعبد الله بن عمرو بن العاص، وجابر بن عبد الله، وأبو ذر الغفاري، وسعد بن أبى وقاص؛ فبرع وتفوق الكثير من الأقباط – أي المصريين - على رأسهم عثمان بن سعيد القبطي، المعروف بـ (ورش)، تتلمذ على يد نافع أحد القراء السبعة. 3- إضافة إلى ذلك أن اللغة القبطية - في تلك الفترة - كانت في موقف ضعيف؛ فقد سيطرت عليها اللغة اليونانية واللغة السريانية؛ فقد كانت الأعمال الكتابية المهمة تكتب باليونانية، وكانت السريانية لغة الثقافة وهي المستعملة في جامعة الإسكندرية (عاصمة مصر آنذاك). 4- وقد كان المصريون (الأقباط) أنفسهم غير حريصين على لغتهم القبطية؛ فقد تخلوا عن أحرفهم الهجائية في القرن الرابع أو الخامس الميلادي، واستخدموا حروفًا جديدة معظمها من اليونانية. أما التحديد الزمني لسيادة اللغة العربية، فكان على ثلاثة مستويات: أولاً: في القرن الثاني الهجري (الثامن الميلادي) أصبحت اللغة العربية اللغة الرسمية للدولة (لغة الدواوين). ثانيًا: القرن الرابع الهجري (العاشر الميلادي) أصبحت لغة العلم والثقافة لجميع المصريين؛ من أسلم ومن لم يُسلِم. ثالثًا: القرن الخامس الهجري (الحادي عشر الميلادي) أصبحت العربية لغة التخاطب العامة لجميع المصريين، وربما تأخرت بعض المناطق النائية عن ذلك التاريخ، خاصة في صعيد مصر. وعلى الرغم من أن اللغة القبطية صارت لغة ميتة وشبه مختفية الآن – باستثناء الطقوس الدينية في الكنائس المصرية – إلا إنها تركت أثارًا على اللغة العربية ما زالت موجودة حتى الآن في اللهجة المصرية. ـــــــــــــــــــــــــ [1] الأقباط مصطلح أطلقه العرب على سكان مصر ولا يدل على ديانة، لكن بمرور الزمن أصبح الآن يطلق على من يدينون بالنصرانية من المصريين. الموقع: الالوكة.

علشان كده انا بكره البلوجات ..!

ماسك مزيف ... الكل بيلبسه طالما انه اودام جهاز كمبيوتر متصل بالانترنت ... مطمن ان محدش شايفه ولا هيحاسبه على كلامه غير ربنا
اللى مفكرش فيه اصلا .... وسبحان الله من خلال البلوجات الكل بيظهر انه حساس وضعيف وشاعرى ودمه خفيف وقلبه ابيض وعنيه خضرا وشعره اصفر ...
انما فى الحقيقه >>> تلاقيه اهبل .. عبيط .. غبى ..لا بيعرف يكلم ولا بيعرف يقول رأى ولا بيعرف يشارك فى حاجه مفيده ...
اى حد بيعمل بلوج جديد ... لازم اول موضوع يكون .. هااااااااااااااااااااى يا صحابى واحبابى وهاى يا مصر .. ازيكم عاملين ايه .. وحشتوووووونى جدا جدا جدا .. الخ , وممكن من الرقه المفرطه تلاقيه عيط ... يختى بيضه وكميله .. بتعيط ... ربنا يخدك يا شيخ !!

البلوجات دا معموله لانك عندك علم عاوز تنشره او زى ويب سايت صغير ليك او مذكره خاصه بحياتك تفكرك بايامك الحلوه وايااااامك السودا اللى لسه جايه ... انما خلى ليك قيمه فى نظر غيرك ... تسوى ايه لما اكون ولا عمرى شوفتك وعارف عنك كل حااااااجه عن طريق البلوج !!!

انا مره دخلت بلوج لقيت واحده كتبت اكتر من عشر مواضيع عالبلوج فى يوم واحد !!!
طبعا مستغربين ... اول موضوع كان اول ما صحيت من النوم ... هاى يا حلوين عاملين ايه واكلين ايه شاربين ايه .. انا لسه صاحى حااااالا وحبيت اسجل اللحظه الفزييييعه دى .. يلا اروح اطففففففح وارجعلكم ... تانى موضوع بعد ما طفحت ... هاى يا قطاقيط انا لسه فاطره حااااالا والجبنه كانت فزززززيعه بس طبعا انا مش بشرب لبن عشان الكوليسترول وعشان متخنش .. باى بقه ... تالت موضوع ... قبل الغدا بـ خمس دقايق ... بجد بجد وحشتوووووووووونى مووووووووووووووووت موووووووووووووووووت وكمان بلوجى وحشنى بطريقه فزززيعه فززززيعه .. بقالى تلات ساعات ركناه ومكتبتش فيه حاجه جديده !! معلش انا طولت عليكم .. اسفه جدا جدا جدا جدا جدا جدا جدا
وبردو من قمه الرقه تلاقيها عيطت !!! .. اما الحق اتغدى بقه قبل ما الاكل يبرد ...رابع موضوع بعد الاكل ... انا حبيت اسجل اللحظه الفزيعه دى واقولكم ان انا الحمد لله اكلت سمــــــــــكه .. اه والله اكلت سمكه بس عشان متعورش .. خليت مامى هي اللى تأكلنى ... يلا سلام بقه عشان الحق اغسل ايدى !!!
خامس موضوع ... هاى يا جماعه الساعه دلوقتى بقت 6 المغرب .. ميعاد الشاور بتاعى ... اشوفكم فى الحمام .. اصدى بعد الحمام !!!
سادس موضوع .. الميه السخنه كانت فزيييييييييييييعه ... وحطيت من الشامبو الجديد ونتوا لالالالالالالالالالالاء .
سابع موضوع ... اتشششششششى .. انا يظهر اخدت برد يا كماحه ... اصل انا بشرتى حساسه اوى للهوا !!!
تامن موضوع ... ايه دا يا وحشين ... بقه عارفين انى تعبانه ... ومفيش كللللللللب منكم جه يزورنى ... اخص عليكم .. انا مخاصماكم !!!
تاسع موضوع ... عارفه انى قلبى رهيف ودا عيبى .. بس انا خلاص سامحتكم ... يلا بقه رحبوا بعودتى للبلوج !!
عاشر موضوع ... الساعه دلوقتى بقت 2 بليل ... ونا بابا معودنى معدش عالجهاز اكتر من كده .. عشان عيبنى متوجعنيش !!!
اشوفكم بكره بقه !!

وننننننننننننننننعم التربيه ... ابقى سلميلى على بابا يختى !!!

كفايه كدب بقه ارحمونا
وكل واحد يخلى عنده شويه دم ويحتفظ بحاجه لنفسه هو للزمن عالاقل
الولد مفكر انه لما يكتب كل حاجه عالبلوج والناس كلها تعرفه .. يبقه كدا الواد مقطع ومعدى .. يخى جتك خيبه
ابقه قابلنى يا مقطع !!
والبنت اللى مفكره انها كده بتعرف الناس انها رقيقه وخجوله و.. و... يختى جتك خيبه انتى كمان
ابقى قابلينى انتى كمان !!

*
*
*

طبعا من حقك انك تقرأ الموضوع
لكن من حقى انى اقولك ان كنت ترد ولا لاء

والحقيقه ردك مش هيفيدنى بشىء
فـ ممكن تقوله لـ نفسك وتحاول تتغير للافضل